inprobisazioa

Unitatean zehar, meteorologiak elikagaien ekoizpenean eragin dezakeela ikusi dugu, baita egoera kontrolaezinak sortu ditzakeela ere. 

Bada, gauza bera gertatzen da antzezlanetan. Batzuetan, ezustekoak suertatzen dira, baina antzezlanak aurrera jarraitu behar du. 

Horretara ohitzeko, inprobisazio-ariketak egingo ditugu. Horrela, ezustekorik gertatuz gero, nola jokatu jakingo duzue. Gainera, ariketak oso dibertigarriak dira! 

Talde berean, ipuin edo kontakizun herrikoi bat aukeratu beharko duzue. Baina adi: ipuinei edo kontakizunei berezitasun batzuk gehituko zaizkie. Hori kontuan hartuta, taldekide bakoitzak kontakizun bat aukeratuko du, eta emandako berezitasunarekin antzeztu beharko du.