Unitate honetan, izenburuak dioenari jarraikiz, elikagai ekologikoak landuko ditugu. Badakizue zer diren elikagaiak ekologikoak? Ez baduzue erantzunik, lasai, gai honetan asko ikasiko duzue!  

Hala ere, atal honetan, elikagai ekologikoak lantzeaz gain, antzezlanaren gidoia ere egingo dugu. Baina, horrekin hasi baino lehen, jakin behar duzue askotariko antzezlan-motak daudela. Ez al da horrela? Musikalak, komediazkoak, beldurrezkoak… Asko eta asko daude! 

Zein dira zuen generorik gustukoenak? 

Gidoia sortzeko, genero horietako bat edo batzuk aukeratu beharko dituzue! Izan ere, antzezlan-mota aukeratuta, gidoia idaztea errazagoa izango da, forma dagoeneko finkatuta izango duzuelako! 

Hala ere, ez ahaztu gidoiaren edukiak ere garrantzia duela. Azken batean, interesgarria ez bada, publikoa aspertu egiten da! 

Horretaz ohartzeko, abesti bat entzungo dugu. 

1. JARDUERA

ENE KANTAK – JANGELAN GOXO. Gu eta gure planeta osasuntsu egoteko. 

JANGELAN GOXO JATEN DUGUN BITARTEAN EGOKI ELIKATZEN IKASTEN DUGU. 

BARATZE TXIKI BATEAN BROKOLI TXIKI BAT 

IKUSI DUT GOIZEAN ESKOLAKO BIDEAN 

EZAGUTZEN DITUDAN JAKI ZAINDUENEKIN  

ELIKATU NAHIKO NUKE JANGELA GOXOAN.  

GARAIAN GARAIKOA, TOKIAN TOKIKOA 

EZ AL DA HORI ZENTZUZKOA? 

GARAIAN GARAIKOA TA EKOLOGIKOA 

GU ETA GURE PLANETA OSASUNTSU EGOTEKO. 

GARAIAN GARAIKOA TA EKOLOGIKOA 

GU ETA GURE PLANETA OSASUNTSU EGOTEKO 

• Zeri buruz hitz egiten da abesti honetan?
• Edukia interesgarria al da?

2. JARDUERA